قصص طويلة

قصة طويلة بعنوان (مازلت في الثلاثين)

احداث القصة

كان القمر ينير في السماء في احد ليالي الشتاء شديد البرودة ، بينما تسجد ام على سجاده الصلاة فى غرفه احد البيـــــــــوت الشاهد عليها القمر المنير وهي تناجي المولى عز وجل وترجوه بالدعاء……

الاحداث

 

ماجده : يـــــــارب ارزقها بأبن الحلال اللى يسعد قلبهــــــــــا وينور طريقها ويهديهـــــــا وينجحكــــ يا هاجر بمجموع كبيـــــر

رقيه: حرمــــــــا يا ماما

ماجده : جمعــــــــا يا بنتــــــى ان شاء الله

رقيه:انا هروح اتوضا بقى واصلــــــــــي

ماجده : تقبل الله مقدمـــــــا، هحضر الفطار عقبال ما تخلصي

رقيه : ربنا يخليكي يا ماما بس متعمليش حساب هاجر لانها لسه نايمه كانت بتذاكر طول الليل

ماجده : ربنا يكون فى عونهــــــا ويعدي السنه دي على خير

رقيه: ان شاء الله يا ماما

دخلت ماجده مكانها المعتاد (المطبخ) ,, ورقيه راحت تصلي

ماجده : عامله ايه يا حبيبتــــــي فى الشغل

رقيه : الحمــــــد لله يا ماما

ماجده : يا حبيبتـــــــــي يارب دايما ويارب يرزقك بابن الحلال
وقاطعتهــــــا رقيه وارتسمت على وجهها ابتسامه باهته

رقيه : يا ماما قولتلكــــ انا مش بضاعه وبعدين انتي عارفه انا جربت كذا مره علشان خطركـــــ ومنفعش كلهم عاوزين واحده حلـــــــوه وانا زي ما انتى شايفه والحمد لله برضو على كل حال
ارجوكــــــي يا ماما

بصتلها ماجده وهى عارفه ان كل كلامها صح , بس هي زي اي ام نفسها تفرح ببنتها وافتكرت كام عريس جالها ومفيش فايده لان معظهم عاوزين واحده واخده بالها من نفسها ومدلعه ورقيه عكس كده تماما

ماجده : يا حبيبتي انتي زي القمــــــــر وبعدين المهم الروح اللى هيعيش معاها انتى بتعرفي ربنا ومعاكي شهاده عاليه واخلاقك مفيش زيها وبنت اصـــــــول

رقيه: تقولي لمين بقى يا ماما , سيبك من الموضوع ده لوقته , انا هقوم البس علشان اروح الشغـــــــل

بتقوم رقيه وتسيب صورتها فى عين ماجده وكأنها لسه فى المكان وماجده فى حيـــــره كبيره من حال رقيه , رقيه معندهاش قدر كافى من الجمال بس هي جميلــــــه لان مفيش انثى خلقهـــــا الله مفيهاش قدر من الجمال

رقيه متوسطـــــــه الطول وتميل بشرتها الى الخمريـــــه , ترتدى نظاره طبيه على اعين تميل للضيق وانف مدببه وفم متوسط و جسدها نحيف
تغطيه دائما باللون الاسود والالوان الغامقه …..

وتتنهد ماجــــــده تنهيده عاليـــــــه

ماجده : ربنا يوعدكـــ يا بنتى باللى يقدرك ويفهمكــــ ويخليكي احسن الناس

تنهيده عاليه خرجت من جسد صامت من امام مرآه تنظر فى ملامـــــــح وجهها متعرفش مين اللى بيبص لمـــيــــن وفى النهايه الاثنان واحـــــــــــد , هذا كان حال رقيه البائسه حتى دخل تفكيرهــــــا شخص دخل الاوضه

هاجر :ههههههههههههههههههههههههه وحشه اوي على فكره

رقيه : ها بتقولــــــــــــى ايه ؟؟؟؟

هاجر: ولا حاجه انتى هتفضلي واقفه قدام المرايه كده كتير , متقلقيش قدامكــــ بتاع عشر سنين كمان وتلاقى اللى يشيل

رقيه : ايه اللى انتى بتقوليه ده ؟

هاجر : عادي عادي انا خارجه

رقيه : اومال ايه اللي جابك مش المفروض انكــــــ نايمه وكنتي بتذاكري بالليل

هاجر : هههههههههههه اه بذاكر وعندى درس كمان شويه

رقيه : ربنــــــــــــا معاكي يا حبيبتى

خرجــــــــــت هاجر من الباب دون ترديد لدعوه رقيــــــــــه

رقيه : يـــــــــــــــارب خليك جمبي انت عارف ان انا طول عمرى مبعملش حاجه وحشه فى حد اقف جمبي ارجوكـــــــ

هاجر : بغير اهوه يا بنتي هدومي وهنزل على طول

عبير : اوعي يكون حــــــــــــد شك فى حاجه

هاجر : عيب عليكـــــي يا بنتي ده انا هاجر

عبير : ههههههههههههههههههههههه انتى هتقوليلــــــي , بس قوليلي قولتوا ايه انتي و كريم فى التليفون

هاجر : مش وقته دلوقت لما اشوفكــ هحكيلكـــــ

عبير : تشوفيني فين هو احنا هنعرف نتكلم طول ما سي كريم ده موجود

هاجر : على اساس ايه بقى ما استاذ مصطفى بتاعكــــــ ده هو كمان هيكون موجود

عبير : هههههههههههههههههههههههههه عموما قدامنا فرصه لما نتقابل قبل ما نشوفهم

هاجر : طب اقفلي اقفلي دلوقت انا سامعه ماما بتتكلم مع الملاك بتاعنا وصوتها قريب من الاوضه

عبير :ملاكـــــ ايه يا بت

هاجر : اقصد الست رقيه

عبير : هههههههههههههههههههههههههههه اه

هاجر : سلام سلام

عبير : باي ومتتأخريش

خرجـــــــــت هاجر من اوضتها فى شكلها المعتاد , هاجر بنت جميله جدا ولكن جميله فى مظهرها وبس , ربنا اداها الكثير من الجمال فى وجهها كالقمر الساطع ليلا وسط نجوم كثيره , وجههـــــــــا ناصع البياض بعيون عسليه وانف دقيق وفم صغير ووجه دائــــــــري وشعر كأمواج على ظهرها …… متوسطه القـامه مع جسد مفتون الجمال ….

ماجده : ايه يا هاجر انتي مش سهرانه تذاكري بالليل ايه اللى صحاكي بدري كده ورايحه فين ؟!!

هاجر : رايحـــــه درس يا ماما اعمل ايه بقى امتى اخلص من السنه دي بجد تعبت

ماجده : معلش يا حبيبتي , استنـــــي اجبلكــــ فلوس .

هاجر : متحرمش منكـــــ ابدا يا ماما بس بسرعه بقى

ماجده : حاضر يا بنتـــــــي

هاجر : ايه اللى انتى لبساه ده يا بنتي كده هتقعدي فى ارابيزي كتير اوي

رقيه بضحكه مصطنعه : معلش بقى استحملينــــــي

ماجده : خدي يا حبيبتي

هاجر : يلا سلام بقى وانتي يا صول رقيــــــــــه باي

رقيه : يا ماما بلاش تديلها فلوس كده دايما هي معاها ولازم تسألي عليهــــــــا المدرسين

ماجده : حاضر يا بنتى انا بس عاوزاها تبقى احسن واحده ونفسى تبقى زيكــــ كده

رقيه : ربنا ما يحرمنا منكـــــــ يا ماما انا نازله بقى علشان متأخرش

ماجده : ربنا معاكي يا حبيبتي

رقيه : يارب يا ماما

هاجر : ازيكـــــ يا موزه

عبير : انتى اللى موزه

هاجر : منا عارفه طبعا حاجه مفروغ منهـــــــــــــــا اكيد

عبير : ههههههههههههههههههههه حبيبي اللى واثق من نفسه

هاجر : طبعا طبعا

عبير : قوليلي بقى عملتي ايه مع كريم امبارح ؟

هاجر : طلع عسل والله بس واقع اوي

غبير : واقع ازاي يعنــــــــي؟؟؟

هاجر : يا بت واقع يعنــــــــي , انا اصلا مفيش واحد مش بيموت عليا

عبير : ايوه يا عم مين قدكــــ

هاجر : طب بس بس هما جايين علينا اهم

كريم : ازيكم يا جماعه

هاجر : الحمد لله كويسين

مصطفى : ها هنروح فيـــــــن

عبير : اي كافيه بقى

كريم : طيب يلا يا هاجر

هاجر : فين عربيتكــــ

كريم : بتتصلح والله , هنركب مع مصطفى وعبير بقى

هاجر : اووووووف بقى

عبير : يلا يا هاجر بقى بطلي رخامه

كريم : خلاص يا بيبي بقى

هاجر : اخـــــــــر مره

كريم : اخر مره

هاجر : طب يلا ع العربيه

عبير : الحقـــــى يا هاجر

هاجر : الصول رقيـه !!

انتظروا الجزء الثاني …..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى