قصص طويلة

قصة لا زلت في الثلاثين(الجزء الثامن)

بصت منـــــــى لعلي ووقفت فى مكانها

منى : هاجر !!!!!

علي راح عند منى وحضن منــــــى وباسها من خدها

علي : يا عيوني اقصد على بنتنا ,,, الاسم ده على لساني طول النهار لاني حلمت اني هجيب بنت وهسميها هاجر

منى : بجد يا حبيبي

على : طبعــــــــا يا قلبي

منى : يارب يا حبيبي وخلاص هنسميها هاجر , اروح بقى احضرلك العشا يا ابو هاجر

راحت منى تحضر العشا وعلي خد نفس طويل وبص في الموبايل وغير الخط جاتله كذا مسدج ان حد اتصل بيه
دخل على البلكونه وقفل بابها واتصل بالنمــــــــــــره

هاجر : يااااااااااا سلام ,,,, قافل موبايلكـــــ ليه بقى

علي : ابداااااااااا يا بيبي والله ,,,,ده الشبكه زي الزفت

هاجر : ممممممممم بصراحه عندك حق

علي : انا قولت اسمع صوتكــــــ قبل ما انام

هاجر : بلاش بواخه انا لسا صاحيه ,,, هتنام وتسبنى

على :ههههههههههههههههههههههههههه لا خلاص هفتح الفيس نتكلم شويه .

هاجر : طب خلينا فون

علي : معلش ,, انا فعلا مرهق اوي ولو اتكلمت على الفون هنام

هاجر :اوك , خلاص هقوم افتح اهوه

علي : اوك ,,,, ربع ساعه وهفتح وهقفل الموبايل معلش علشان محدش من الشغل يضايقني

هاجر : اوكـ

علي : باي

هاجر : باي

علي خلص العشا وقام قعد على الكمبيوتر يكلم هاجـــــر ومنى فى المطبخ بتوضبه بعد العشا وبعدها

منى : كفايه كدا يا حبيى عينيكــــ

علي : معلش يا منى , نامي انتي ؟

منى : لالا انا قاعده معاك ,,,,, انت كده بقى بتعمل ايه … نفسي افهم في شغلك اوي

ارتبكـــــ علي وقفل الشاشه

علي : لو سمحت يا منى ,, انتى كده بتعطليني … ممكن تروحي تنامي

منى : تصبح على خير يا علي

علي تجاهل منى ودخلت هي على السرير تفكـــــــــــر فى احوال علي واسلوبه وعلاقة شغله ايه بالنت

علي محامي فى مكتب محامي كبير فى المهندسين .. وفي الاخر تفكيرها سابها وراحت فى النوم

صحــــــــــى محمود وكله نشاط وحيويه لليوم اللي بيحلم بيه طول عمــــــــــره ,,,وقعد يدندن
انا جايلكــــ ونويها بخبط وقتيل على الباب هتعملي ايه ما هى كبرت فى دماغي برحتك عداني العيب نصحتكــــ بتتحدي مين
دخلت سعاد على محمود وهي فرحانه انه صحى كده بقالها كتير مشفتش الضحكه دي على وشه

سعاد: صباح الخير يا حبيبي

محمود: صباح الفل يا ست الكل

سعاد: نفسي اشوفك مبسوط كده دايما

محمود: مفيش زعل خالص خلاص , ادعيلي والنبي

سعاد: ربنا يريح قلبكـــــ يا ابني

محمود: متحرمش من الدعوات اللى زي السكر دي

سعاد : يالا علشان تفطر

محمود: لا معلش يا امي انا هروح بدري لاني هستأذن بدري من الشغل النهارده

سعاد : وليه تستأذن

خرج محمود وهو بيتهرب من اجابة مامته مش علشان مش عاوز يقولها , بس علشان عاوز يتأكد من هاجر , لانه عارف انهــــا متضايقه من الموضوع

محمود: ما قولنا ادعيلي يا ست الكــــــــــل

صحيت رقيـــــــــــه على كابوس ومفزوعه , استغفرت ربنـــــــا وقامت للشغل و وش عمر مش

غايب عن عنيهـــــــــــــا , نظرته وهو شايف فى ايدها الصوره , ضحكته لما وقعت , لحظه ما ضربته بالقلم
وكل ده بيخليها تضايق منــــــــــــه اكتر واكتر

وفي الاخر نزلت للشغل

عمر طول الليل قاعد بيفكــــــــر فى القلم ,,, بس مش قادر يتضايق منها ,,,,, مع انه حاسس انه مقلش حاجه

قعد يفكر ازاي يشوفهــــــــــــــا تاني ,,,,,, بعد ما عرف انها مش هتيجي غير بعد اسبوع وفجـــــــــــأه قام

عمر : ازاي كان تايهه عن بالي الموضوع ده

سأل على والدته فى الفيلا ,,,,و وكالعاده مشغوله ومش فى البيت ,,,,, قرر يتصل بيهــــــا ودي حاجه بالنسباله شبه مستحيله انه يكلمها فى حاجه وده اللي خلى منال ترد عليه

منال: فيه حاجه يا عمر ,,,, انا مشغوله دلوقت ,,,, ممكن تتصل بعد شويه

عمر : براحه بس بس ,,,,,, انا كنت عاوز اعرف منكـــــ اسم الشركه بتاعة الديزينر اللي هتعملنا الفيلا ايه ؟؟

منال : يوووووووووووووه يا عمر ده وقته ,,,,و الكارت عندك فى المكتب تقريبا

وقفلت فى وشه قبل ما يرد

عمر مكنش عنده استعداد يتضايق ,,,,, جرى على المكتب يدور على الكارت وهو مش عارف هيعمل ايه بعدها المهم يوصلها قبل الاسبوع ,,,, قبل الدقيقه اللى هو فيها وبرضوا يوصلها ليه , ميعرفـــــش ؟؟

اما عن المدعو احمد وهاجر او بمعنى اصح علي

هاجر وعلي طول الليل يتكلموا مع بعض لحد دلوقــــــــت ,,,, صحيت منى لقت علي لسا قاعد على الكمبيوتر ,

منى : يالهوي علي

علي : ايه ,,,, شوفتي عفريت

منى : لالا ابدا بس انت كده من بالليل

علي : اه كده من بالليل

منى : طب والشغل ؟

علي : هتنيل اقوم اروح مش هو ده اللي انتي عوزاه ,,,,, عيشه تقصر العمر ؟؟ ايه الغلب ده

مردتش منى على علي لان اللى شغالها ,,انه قفل الكمبيوتر اول ما جت

راح علي على الشغل واول ما نزل اتصلت منى باختهــــــــــــا آيه

منى : الو يا آيه , ازيك يا حبيبتي

ايه : ازيكــــــ يا منى , انا الحمد لله , وحشتيني

منى : وانتي اكتر يا حبيبتي , كنت عاوزاكي فى خدمه

ايه : عيوني

منى : انتي بتفهمي فى البتاع ده اللى اسمه النت والكمبيوتر

ايه : طبعا يا بنتي

منى : طب عاوزاكي تعلمينـــــــــــــي عليه كل حاجه

اتصل علي بهاجر

علي : معلش يا حبيبي انا قولت اقفل واتصل بيكي موبايل احسن , صوتك وحشني

هاجر : ههههههههههههههههههههههه ماشي , بس انا هنام بقى

على : خلاص يا قلبي , تصبحي على خير

هاجر : وانت من اهله باي

الساعه 3 العصـــــــــــر من نفس اليوم بيتصل محمود بهاجر للمره الخامسه وهي مبتردش وبعد يأسه ردت هاجر

محمود: الو يا هاجر انا كنت بفكرك بالميعاد

هاجر : اه اه انا فاكره هقووووووووووم بس واجي مش الساعه 5 برضه

محمود : اه يا هاجر ,,,,, انا هروح استناكي من دلوقت

هاجر : اوكي باي

لبس عمر ونزل من البيت وهو مش عارف يعمل ايه او هيعرف ايه بالكارت اللي فى ايده ,,,,, لقى نفسه رايح عند الشركه ,,,,, مينفعش يطلع ومينفعش يستنى ومينفعش اي حاجه

لان ببساطه مبيجمعهمش اي حاجه ,,,,و اول مره يحس ان فيه بنت مش شبهه كده , حس انها حاجه نقيه وخايف على نفسه منها

وفجأه وهو قاعد فى العربيه , كانت نازله دينا من الشركه
افتكر ساعتها بس الموقف اللى فات وليه مسكت رقيه الصوره وده حاجه زعلته اكتر ,,,,,, لانه عارف ساعتها كان شكله ازاى

مشيت دينا بالعربيه وبعد خمس دقايق نزلت رقيـــــــــــه وهي ماشيه علشان تروح لعربيتها وبتدور على المفاتيح من الشنطه ,,,و نضاره النظر وقعـــــــــــت

وبتنزل تجيبها لقت عمر بيجيبهالهــــــــــــا

رقيه : انت !!!!!!!!

 

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى