قصص طويلة

قصة لا زلت في الثلاثين ( الجزءالحادي عشر)

مشي عمــــــــر وراح لرامي وطول السكه سرحان وتايه ومش عارف هو راح ازاي لرامــــــي

عمر : اركب

رامي :ايه يا معلم مالكـــــ

مشي عمر بالعربيه من غير ما يرد على رامي هو حاسس انه مش معـــــــــــاه اصلا ووقف بالعربيه فى مكان هادي

عمر : هو انا عمر ؟

معرفش رامي يرد عليه وبصله جامد وبعدين رد

رامي :انت اتجننت يالا مالكـــــــــــ اليومين دول

عمر :فعلا انا اتجننت

رامي : مالك يااض احكيلي

عمر: انا مش عــــــــــــارف مالي بروحلها مبفكرش غير فيها بروح وراها في اي حته عاوز اشوفها دايما ,مش بحبها علشان متقولش بحبها ,او بحبها , او مختلفه او انا اللي بيتهيألي كده او هزهق المهم اني عاوز اعرفهــــــــا , اقولك نفسي اوي يووووووووووووووه تعبت , تعبت
خايف اجي جمبها , حاجه بعيده عن اي عك شوفناه , حاجه متتقرنش بحاجه , تفتكر هي كده , القلم لسا معلم !!!! , جمال مستخبي جواها ,ملاااااااااااااااك وربنا نزله , اصلا هتبقى خساره فيا ,, هو انا وحش ,,,, اه انا وحش ,,,, بس مش اوي ,,, بس فى النهــــــايه وحش
ههههههههههههههههههه البت يا اخويا كنت اشورلها تجيلي , دي بتبعدني بروحلها

سكت رامي وباصص لعمر وسامعه هو صحيح مش عارف هو بيتكلم على ايه , بس كل اللي يعرفه ان ده شكل عمر وملامحه بروح تانيه ,, هو نفسه محتار لاحلى او اوحش مش عارف ؟؟
كل اللي عارفه ان ده مش عمر ومن ذهوله سكت يسمعه

عمر معروف بوسامته فهو طويل ,عريض , ابتسامته كفيله تشد اي بنت , ثقته في نفسه الزياده ومع كل ده معرفته الزايده بالبنات وبتفاصيلهم كل ده واكتر كفيل بأن اكيد كارثه حصلت علشان يقول كده ,,,او العكس

سكت عمر ,,,, ملقاش رامي غير انه يتكلم ,ده بعد ما رجع عمر بالكرسي وساب لخياله يستجمع صورة رقيه مره تانيه

رامي :هي مين دي يا عمر ؟

عمر : هي

رامي : هي مين بقى ؟؟

عمر :رقيه

رامي : عرفتها فين دي

عمر :فاكر يوم ما خبطتنا في واحده

رامي : وشوفتها فين دي تاني ؟

عمر : مش هي مش هي اللي كانت جمبها

رامي : اللي جمبهــــــــــا؟!

عمر : اه

رامي : بس انت لغبطت اوي يومها يا معلم
اتعدل عمر وركز مع رامي

عمر : ازاي يعني

رامى :رميت كلمه بايخه كده !!!

ضرب عمر بايده في العربيه جامد

عمر : غبي غبي !!!!!

اتفاجأ رامي من رد فعل وساب عمر يحكي ليه كل اللي حصل من ساعة ما شاف رقيه لحد دلوقت.

 

اتفاجأ شكري وسعاد من رد فعل محمود وده اللي خلى سعاد تقول كلام متتوقعش تقوله لو تحت تهديد ,, بس هي في النهايه أم ,ام وعاوزه راحه ابنها

سعاد : استهدى كده بالله يا ابنى ,, مش وقته

محمود: عاوز اخطب هبه يا ماما , ومتقلقيش مش هظلمها او هزعلها ,, انا مش وحش يا ماما

سعاد: ماعاش ولا كان اللي يقول عليك كده يا ابني,, اهدى بس وربنا يحلها

محمود: انتي ليه مش مقتنعه تحبي اكلم خالتي انا دلوقتي واقولها , انا عاوز هبه فعلا

سعاد: طب اديني فرصه اروح لهم مره كمان يمكن

ضحك محمود باستهتار

محمود: انتي يا ماما !! لا طبعا لا يمكن احطك فى الموقف ده وانا فعلا عاوز هبه

سعاد: يا ابني انا مايهمنيش حاجه غير سعادتك ولو عليا انا قولتلك على هبه لاني عارفه انها بتحبكـــــــ وهتسعدك , بس

قطعها محمود من غير ما يديها فرصه تكمل جمله هتدبحه

محمود: من غير بس ما انتي قولتي بتحبني وهتريحني وهو انا عاوز ايه اكتر من كده

سعاد: بس ده من يوم وليله كده

محمود: دعوتك شكلها وصلت السما ويمكن لو محصلش بسرعه او بالطريقه دي كنت اتعقدت

سعاد: بعد الشر عنك يا ابني فال الله ولا فالكـــــ ,يعني اكلم خالتكـــ

محمود: اه كلميها

شكرى : استني يا سعاد ,, وانت فكر يا محمود ,, بلاش دماغك دي

محمود: يا جماعه والله انا مقتنع جدا بهبه وعاوزها مراتي ومش مضغوط ,, او بحاول انسى
انا قلبي خدعني طول العمر ومش راضي يسعدني وانا عارف يعني ايه قلب وعلشان كده انا اخترت هبه وهي بتحبني وانا لا يمكن اتعسها زي ما , المهم وعاوز افرحك يا امي , انتي مش عاوزه مني عيل صغير ولا ايه

سعاد: هو ده املي الوحيد يا محمود

دخل محمود اوضته بعد كلام طال بينهم على وعد ان سعاد تكلم خالته ,,هو مقتنع جدا باللي عمله واعتبر نفسه ركن قلبه فى سلسلة هاجر اللي شالها  في الدولاب وقرر يسعد قلوب غيره ,, يمكن ربنا يسعد قلبه

 

دخلت هاجر مطعم شيكــــــ فى مدينة نصر , شافت علي مستنيها

هاجر : ايه بقى اللي انت قولته ده

علي : ايه يا قلبي

هاجر : عاوزنى اعد معاكـــــ فى بيت واحد صحبك ,,,, علشان خاطر ايه يعني ؟

على : ابدا , ناخد راحتنا انا نفسي اتكلم معاكي لوحدنا

هاجر : ما احنا لوحدنا اهوه

علي : يا هاجر انا عاوز نبقى لوحدنا , نتكلم براحتنا , تتجوزيني يا هاجر

هاجر : تتجوزني ؟

علي : اه عادي نتجوز

هاجر : انت فجأتني , يعني عاوز تتقدملي

علي : اه طبعا ما انا هتقدملك بس مش دلوقت

هاجر : يعني ايه يعني ؟؟

علي : نتجوز احنا

هاجر :ااااااه نتجوز احنا وليه يعني نستعجل

علي :يا هاجر انا بحبكــــــ , انتي مش عارفه يعني ايه بحبكــــ

هاجر : سبني افكر طيب

علي : وعد

هاجر : قولتلكــــــ هفكر

قضت رقيه اليوم ده وهي غايبه عن الواقع لكن بالطبع موجوده فيـــــه , اينعم جسدياً بس اهى موجوده علشان تقضي يومها وخلاص , مع ان كل تفكيرها مع واحــــــد مش عارفه طلعلها منين , هو بيحبها , بس لاول مره تسأل نفسها هو بالنسبالها ايه , مجرد اول واحد يقولها كلام حلو ,,, ولا حاجه تانيه ,, يمكن عاوز منها حاجه , بس تفكر تقول هيعوز ايه في احلى منب واشيكــــ واسهل بكتير ,, يمكن علشان حاجه نفسه يجربها واتوصلت لقرار انها لازم تحاول تمسكــــ مشاعرها

عمر رجع  مع رامي مستني اليوم ده يفوت بفارغ الصبر لان بكره هيبتدي الشغل فى الفيلا اللي قرر انه لازم يفضل فيها فى الفتره دي ,مهما تعب , لان هتكون موجوده رقيــــــه
اجمل_بنت_شافها_في_حياته

هاجر لاول مره بتفكر مش عارفه تعمل ايه تقبل بعلي او لا مش عارفه تقرر من وجهة نظرها علي عريس ممتاز وشايفها حاجه كويسه وحلوه اوي بس افتكرت عمر اللي سابها ورجع فجأه ,بس هو مش فى دماغها غير انها عاوز تردله القلم , اما علي فحاجه جديده وفي الاخر قالت ليه لا مش جواز ؟

علي في البيت قاعد بيتخيل هاجر عروسته ومش رايحه الفكره عن باله , فيها ايه لما يتجوزها هو مش هيطولها غير بالطريقه دي ومنى غلبانه وهترضى بالامر الواقع لانها بتحبه او حتى مترضاش اهم حاجه عنده هاجر ,, هاجر وبس

سعاد : زي القمر يا حبيبي

محمود: ربنا يخليكي يا امي

سعاد: اسكت يا واد ده انت حظك من السما البت هتتجنن عليكــــ , ما صدقت ومش هيعارضوا في اي حاجه , هما مش حيلتهم غيرها , بس وحياة امك عندك يا محمود ما تزعلهاش دي غلبانه وبنت حلال

محمود: يا ماما يا ماما دي هتبقى شريكة عمري متخافيش انا مختارها بكامل ارادتي

سعاد: ربنا يكرمك يا ابني ويهديك يا ابن عمري

ضحك محمود ونزلوا هما التلاته على بيت خالة محمود (ساميه )

ساميه: منورين يا جماعه

سعاد: اومال فين عروستنا يا اختي هي مكسوفه مننا

ساميه: عروسه بقى وبتدلع انا هقوم اجيبها

دخلت هبه عليهم برقتها وفستانها الروز الهادى وشعرها المفرود والميك اب الهادى البارز كل نقطه جمال فى وشها برع فيها الله سبحانه وتعالى

شكري: بسم الله ماشاء الله

سعاد: اتكلم بقى يا ابو محمود

وجه كلامه لوالد هبه(ابراهيم ), واتفقوا لان مفيش داعي للاختلاف او مجال لان كل اسره فيهم معندهاش غير ابن واحد تتمنى سعادته

وبعد ما خلصوا واتفقوا

كلمت هبه ,محمود

هبه : هو انا ممكن اتكلم معاك شويه

محمود: طبعا ,, بعد اذنكـــ يا عمي ممكن اتكلم مع هبه شويه

ابراهيم : اتفضل يا ابني

دخل محمود وهبه البلكونه واول ما دخلوا

محمود: مبروك يا هبه

هبه : انا بحبكـــ

اتفاجأ محمود ولقا نفسه مش عارف يرد بس اللى نقذه من الموضوع انها كملت كلامها

هبه : ا انا بحبكـــــــ , مكنتش اقدر اقولك الكلمه دي , لكن انت اختارتني بارادتك لانى عارفاك كويس وعارفه انك مش هتظلمني حتى لو مكنتش بتحبني , بس اوعدك اني هخليك اسعد زوج فى الدنيا , انت متعرفش انت عندي ايه , انا عارفه كل حاجه يا محمود , عارفاكــ

حس محمود ان جبل اتشال من عليه لكلام هبه لانه كده مش هيظلمها ولو هو فكر يظلمها حتى ورد عليها

محمود:وانا هخليكي اسعد زوجه فى الدنيا يا هبه

وفي نفس الوقت
اتصلت هاجر بعلي على الساعه 11 بالليل
هاجر : انا موافقه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى