قصص طويلة

قصة لا زلت في الثلاثين (الجزءالسادس)

رقيـه فى اوضتها وقاعده على اللاب توب بتعمل شغل وتصميمات جديده وبتشتغل على تناسق الالوان وبتتابع الموضه  وموبايلها رن

دينـا : معلش يا روكا قلقتكـــــ

رقيه : انتي عبيطه يا بنتي احنا اخوات

رقيه ودينا اصدقاء من صغرهم وبتجمعهم حاجات حلوه كتير و متخرجين من نفس الكليه وكانت دينا محل ثقه لرقيه ورقيه بتعتمد عليها فى شغل كتير ده بعد ما اشتغلت معاها وكانت فرصه حلوه لدينا انها تشتغل بعد تخرجها على طول وكمان مع صديقة عمرها وتخصصها وحاجه بتحبها

دينا : ههههههههههههههههههه لا ابدا انا بس كنت بتابع البيدج بتاعتنا على الفيسبوك وجتلي كذا مسدج عاوزه اوريهالكــــ من شركات

رقيه : طيب هما ليه مبعتوش على السايت بتاع الشركه

دينا : معرفش والله وعاوزه اعرفهملك , انا نفسي اعرف واحده بثقافتك ودماغكـــــ دي و معندهاش اكونت على الفيسبوك , ده مصر كلها عندها

رقيه : مصر كلها ماعدا انا بقــــى , انتي عارفه اني بكره التواصل الكيبوردي ده
ازاي  يعني , يعني ربنا خالق لينا الدنيا دي كلها والعلاقات الاسريه دي كلها و الصداقه وانا اقعد اتكلم على كيبورد بال24 ساعه ده ادمان ده اسمه سجن اجتماعي يا شيخه , المهم نخلينا فى موضوعنا

دينا : تمام , خلاص بصي افتحي الميل بتاع الشركه وانا هبعتهملكــــ

رقيه : تمام يا دندون

دينا : يلا تصبحي على خير

رقيه : وانتي من اهل الخيـــــــر

هاجر قاعده فى اوضتها بعد ما قفلت الموبايل مع عبير وهي مش طايقه نفسها , نفسها تخرج غلها في

اي حاجه , قررت في الاخـــــــــر تفتح النت وتقعد عليه
واللاب بيفتح كريم رن عليها توقعت ان عمر قاله مااهتمتش بس الغريبه انها لقت رساله منه فيها
(يا حبيبى انتي فين بكلمكـــــ من الصبح اول ما تشوفي المسدج كلميني kiss emoji )
اطمنت او ما اطمنتش لان كريم عندها زي اي واحـــــــــــد هما يومين وخلاص
وقررت ما تعرفهوش تانـــــــي لانها زهقت وخصوصا بعد موضوع عمر

واتفتح اللاب وقررت تدخل على الشــــــــــات وتتعرف على حد جديد

وفعلا بدأت تتكلم مع حد على الشات بأسم (ahmed mido )

احمد : هاي

هاجر : هاي

احمد : احمدسالم _24 سنه _من cairo _في كلية الهندسه

هاجر : هاجرعبدالرحمن _18 سنه _من cairo _في ثالثه ثانوى عام

احمد : منين في القاهره يا هاجر

هاجر : من مصر الجديده وانت

احمد : من مدينه نصر

هاجر :يعني قريب مني بقى على كده

احمد : اه اه , بتعملي ايه بقى فى حياتكــــــ

هاجر : ابدا بخرج وبتفسح وعايشه يعني

احمد : تمام , عندك اكونت ع الفيس بوكـ ؟

هاجر : اها sure

احمد : طيب يالا ضيفيني ده الاكونت بتاعـــــي ونتكلم هناك

هاجر : اها تمام ok

احمد : طلعتي قمر يا بنت الايه

هاجر :طبعا ما انا عارفه , بس انت شكلك لسه عامل الاكونت قريب

احمد : كل الوقت كان في الشغل بقى فقولت افوق لنفسي شويه

هاجر : انت مرتبط

احمد : لا خالص

هاجر : بس انت كمان امور, حلوه صور الساحل دي

احمد : ممكن رقم تليفونكـــ احسن

هاجر : اها عادي ادينى رقمك اكلمك دلوقت

احمد : لالا مش هينفع لان موبايلي فاصل شحن هاتيه بس والصبح هكلمك انا

هاجر : ok , as u like

احمد طب انا هقوم دلوقت علشان شغلي وهكلمك اول ما اقوم

هاجر : اوكي باي

احمد : باي

فى بيت صغير مكون من غرفتين وصاله فى منطقه شعبيه يسكن علي ومنى

علي : انتى لسه صاحيــــــه يا حبيبتى

منى : اها كنت مستنياكـــــــ

علي : معلش يا قلب علي كنت بخلص شويه شغل بس واول ما خلصت جيتلكـــ على طول

منى : بتتعب نفسكــــ انت كده فى الشغل يا حبيبي

علي : معلش يا حبيبتى كله علشان البيبي اللى فى بطنكـــ ده

منى : ربنا يخليك لينا

علي : ويخليكي , يلا ننام بقى

فى صباح اليوم التاني قامت رقيه وهي فى كامل نشاطهــــــا وبتكلم مامتها وهي على الباب

رقيه : ماما انا هتأخر انهارده

ماجده : ليه يا حبيبتي فيه حاجه ؟

رقيه : ابدا يا ماما ورايا شغل كتير وكمان هروح استلم العربيه النهارده اخيـــــرا

ماجده : ماشي يا حبيبتي ربنا معاكي

رقيه : تسلملي دعواتكـــ الحلوه دي يا ماما ع الصبح

_______________________________________________________

فى عربيه دينا , بتسوق رقيه العربيه وجمبيها مدحت

رقيه : عاوزاك يا مدحت تصورلي كل الاماكن النهارده , مش عموما زى المره اللي فاتت

مدحت : متقلقيش يا انسه رقيـــــه

دخلت رقيه الفيلا والعامل اللي فى البيت وداهم لمكان موجوده فيه منال وهو المكتب بتاعها

منال : اهلا وسهلا اتفضلوا

رقيه : ميرسي يا هانم , انا رقيه مهندسه الديكور وده مدحت المصور بتاعنا

منال : تشرفنا

رقيه : بعد اذنك يا هانم , احنا بس عاوزين الفيلا شويه , اقصد يعني اتفرج ونصورها من كل مكان

منال : اتفضلوا براحتكم خالص
ووجهت كلامها لعم مسعود

منال : مش عمر مش فوق برضوا يا مسعود ؟

مسعود : لا مجاش يا ست هانم

منال: تقدروا تتفضلوا

رقيه : بعد اذنكــــ

عمر فى العربيه ومروح ومعاه رامى

رامى : مقولتليش يااض عملت ايه مع البت هاجر دي ضبطتها ؟

عمر :ولا حاجه

رامى : يا واد انت هتخبي على رامو حبيبكــــ

عمر : ما بخبيش بروح اهلك انت بقى سبني فى حالي دلوقت

رامى : مزاج القطه بتاعتـــي متعكنن ليك كوتو كوتو

عمر: نيوووووووووووووووو

رامى :طب احكى بقى يا حاج

عمر : ابدا ادتلها كلمتيـــن فى دماغها النهارده

رامى : لييييييييييه كده يا عم الحاج انت كده لييييه دى موزه

عمر :سيبك من موزه دى الواحد يا اما شاف يا رامى , انا اللي مجننى اشمعنا البت دي اللي قولتلها لا , مش مريحانى كده وواقعه اوي وعيله وهايفه سيبك سيبك انزل بيتك اهوه

رامى : انت اتغيرت يا واد انت لازم لازم لازم تتعلم قله الادب من اول وجديد

عمر : طب حضرلي اول درس يا استاذ , سلام ياااااض

رامى : سلام

رقيه : صور انت الاوضه دي يا مدحت عقبال ما اتفرج على الاوضه دي

مدحت : حاضر

دخلت رقيه الاوضـــــه وفضلت تتفرج عليها من منظر الاوضه فهمت انها اوضه شاب

دخل عمر الفيلا وطلع على السلم كالعاده علشان يدخل الاوضه

رقيه بتقرب من صوره على مكتب عمر وبتدقق فى الصوره اوى ومسكت الصوره

وفجأه عمر دخل الاوضه من غير ما تحس وهي حست بيه فارتبكت ووقعت الصوره من ايدها

وبصلها

رقيه : انا انا

وسابت الاوضه وخرجت بره

عمر : استني بس انا شوفتكــــ فين قبل كده, طب عجبتك الصوره ؟

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى