قصص طويلة

قصة لا زلت في الثلاثين (الجزء الرابع)

بصت هاجر للمسدج بالامبالاه وهى بتضحك وبتقول: يااااااااااابااااي عليكــــ ما بتحرمش كتك داهيه , امتى هرتاح من الغلب ده يارب , اروح ادور ع اكونت المز اللى اسمه عمر

رن جرس موبايل هاجر

هاجر : هو انا مش هرتاح منك شويه يعني برا البيت وجوه البيت

عبير: متقدريش تستغني عني اصلا , بس ايه الدلقه اللى كنتي فيها دي على عمر النهارده

هاجر : اسكتي يا عبير , الواد فظيع شيك وامور وعربيه وكمان دمه خفيف ومش مرتبط

عبير : بصراحه عندك حق بس ايه عرفك انه مش مرتبط

هاجر : واحد جاي لاصحابه مع بنتين اكيد كان فاكر اننا معانا بنات تانيه ولو متزفت كان جابها معاه

عبير : يا بنت الايــــــــه وهتعملي ايه بقى دلوقت

هاجر : هدور ع الاكونت بتاعه طبعا عند كريم

عبير : طب وكريم

هاجر : يا ست كريم ده واد مدلوق وانا مبحبش كده

عبير : بس متزعليش يا هاجر , عمر مكنش مهتم اصلا بيكي ولا كان مركز معانا اصلا

هاجر : ههههههههههههههههههههههه انا مفيش حد مش بيعجب بيا وغير كده انا بحب الواد التقيل , يومين وهخرجك معانا مع زميله التانى ده وهتشوفي

عبير : هههههههههههههههههههههههه قادره وتعمليها

هاجر : اسكتى الزفت محمود لقيته سيبلي مسدج

عبير : محمود ده يجنن انا مش عارفه مش بتحبيه ازاي

هاجر : واحبه على ايه ده قفل ومهتم بمستقبله وعاوز واحده تستحمل دماغه ومستواه مش من مستوانا كمان

عبير : طب يا اختى , هو كاتبلك فيها ايه بقى

هاجر : ابدا كاتب انه بيحبني وانه مستني السنه دي تفوت وانجح بمجموع عالي ويجي يتقدملي وانه اشتغل فى شركه كبيره وبقى مرتبه كويس

عبير : يا بختكـــــ

هاجر : خديه يا اختي , اقفلي بس دلوقت كريم معايا ع الWaiting كويس علشان اسأله على عمر بقى

عبير : هههههههههههههههه سلام

رقيه طول الليل بتفكــــــر في اللي حصل ودموعها مش بتفارق عيونها كأن الدموع شايفه انها لايقه على عيون البنت دي
وقررت انها مش هتبقى عروسه لعبه تاني فى بوتيكـ ومش لازم تتجوز وهتلتفت لشغلها اللي فضلت طو العمر بتحلم بيه

رقيه بنت متفوقه جدا من طفولتها وكانت دايما الاولى فى كل حاجه فى الادب و الاخلاق والابتكار والذكاء

من طفولتها بتحلم تبقى زي والدها مهندس الديكور المشهور وفعلا حققت حلمها بمجهود واضح وقدرت تتميز عنه وتكبر مكتب الديكور بتاع والدها وتميزه ويبقى ليه اسم معروف وانفراد فى السوق رغم بساطته وقدرت كمان تمسكه بعد وفاه والدها

عمر ورامي فى العربيه بعد سهره طول الليل

عمر : بقولكـــــ ايه ؟

رامي : ايه

عمر : انا هستغلك بدل ما انت زى الكرسى اللى انت قاعد عليه ده

رامى : استغلنى يا عم , هههههههههههههههه بس بلاش شقاوه

عمر : ههههههههههههههههههه لا محترم اتعدل يااض انت

رامي :ههههههههههههههههههههههههههه عاوز ايه طيب

عمر : ابدا امى مسافره والفيلا مش عارفه هتهبب فيها ايه قولت تيجى معايا نقعد فى شقه مصر الجديده شهر كده ولا حاجه

رامي : بيس يا معلم موافق

عمر : بس ايه البنتين اللى مع كريم , دول عيال اوي

رامي : ده البت كانت هتتجنن عليكـــــ

عمر : هههههههههههههه تتجنن يا سيدي واوديها السرايا الصفرا

رامي : ههههههههههههههههههههههه بس البت جامده اخر مليون حاجه موزه من الاخر

عمر : بالف هنا وشفا يا سيدى على قلبكــــــ

رامي : ههههههههههههههههههههههه ياريت

الليل مر وكل واحد فى عالمه الخاص وفي حياته اللي رسمها لنفسه ومقتنع بيها ومقتنع بنفسه فيها

رقيه صحيت بعد ساعتين نوم بس حاسه ان كلها نشاط ونزلت على الشغل

هاجر قفلت النت والموبايل من ساعه وابتدت تنام بعد يوم تعب وارهاق بالنسبالها

عمر فتح اللاب بتاعه وقاعد على السرير وشاف طلب صداقه من هاجر عبد الرحمن وفهم ان كلام رامي صح

رامي نايم بهدومه من سهره امبارح

 

سعاد : صباح الخير يا حبيبي

محمود : صباح الخير يا ست الكل

سعاد : قوم اغسل وشك وصلي وانا هحضرلك الفطار عقبال ما تجهز للشغل

محمود : متحرمش منك يا ماما ابدا

قام محمود يصلي وغير لبسه ،محمود رغم بساطة حالته الماديه الا انه مهتم جدا بمظهره
وحط البرفيوم بتاعه

شاكر : صباح الخير يا ابني

محمود : صباح الخير يا بابا

شاكر : الف مبروك يا ابني على الشغل الجديد

سعاد : سيبه يا ابو محمود يفطر علشان يلحق شغله

محمود : لالا انا خلاص فطرت انا هنزل بقى مش معقول اتاخر من اول يوم كده , انا ما صدقت

سعاد : ربنا يوفقك يا حبيبي , بس ماتتاخرش على الغدا

محمود : ليه يا ماما فيه حاجه

سعاد :: ابدا يا حبيبي دي خالتك وهبه جايين يتغدوا عندنا

ضحك محمود وقال : حاضر يا ماما حاضر , سلام عليكم بقى

 

دخلت رقيه المكتب بتاعها وقعدت تراجع الورق بتاع الشغل وكلمت دينا علشان تعمل اجتماع

رقيه : لو سمحت يا سعد انا عاوزه جدول للشغل بتاع الشهر ده كله

سعد : حاضر يا انسه رقيه

دينا : طيب والشغل بتاع الفيلا الجديده

رقيه : الفيلا دى هنبتدي فيها من الشهر الجاى

سعد : طيب كويس اوي كده

رقيه : وبخصوص الخامات يا رولا

رولا : متقلقيش يا انسه رقيه كله جاهز

رقيه : تمام يا جماعه انا معتمده على الله وعليكم الفتره الجايه ورانا شغل كتير

وانتهى الاجتماع بينهم وراح كل واحد فيهم لشغله

 

فى منزل محمود على الغدا

محمود : منورانا يا خالتو

خالة محمود : بنوركــــ يا حبيبي

سعاد : منوره يا هبه يا خبيبتى

هبه : بنورك يا خالتو

محمود : عامله ايه يا هبه فى كليتك

هبه : الحمد لله تمام ماشيه

خاله محمود : هبه حبيبتي مركزه اوي فى مذاكرتها ربنا يحميها

سعاد : طبعا يا اختى طبعا هو فيه زى هبه

هبه فى الفرقه الثانيه لكليه الاعلام جامعه القاهره تتمتع بوجه مقبول وملامح صغيره رقيقة

سعاد : اقعد مع بنت خالتك وكلمها يا ابني كويس مش معقول كده

محمود : ده انتي يا ماما فظيعه عليكي حركات ما انتي عارفه انا حاطط عيني على مين

سعاد : يا ابنى ربنا يهديك , خد اللى شارياك ملناش دعوه بالناس دي

محمود : ياااااااه يا ماما مش هنرجع للكلام ده تاني انا هخرج بقى شكلنا بقى وحش اوي كده

سعاد : ربنا يحنن قلبك عليها ويوريلك الصح يا ابني يارب…..

انتظروا الجزء الخامس 

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى