قصص طويلة

قصة لا زلت ف الثلاثين (الجزء الخامس)

فى مكتب رقيه فى الساعه 6 مساءاً تدخل دينــــا

دينا : ايه يا رقيه مش احنا طولنا اوي النهارده

رقيه : يلا يلا انا بس كنت بتفرج على صور الفيلا اللي صورها مدحت علشان عاوزه اروح بكره اشوف بنفسي

دينا : ان شاء الله هنروح بس يلا ابووووس ايدك

رقيه : ماشي يا ستي خلاص هقوم اهوه يا باااااااااااي

 

فى بيت رقيه فى الساعه ال7والنصف مساءاً ورقيه داخله البيت وهاجر بتتكلم فى التليفون

هاجر: نازله اهوه نازله انت مستعجل على ايه

رقيه سمعت كلام هاجر استغربت

رقيه : هاجر !! انتي نازله دلوقت ؟

هاجر: اه عادي يعني عندي درس مهم

رقيه: درس!!

هاجر: اه درس فيه حاجه

رقيه: لا ابدا خدي بالك من نفسك يا هاجر

هاجر : خدي انتى اللي تاخدي بالك من نفسكــــ

نزلت هاجر بعد لامبالاه منها على كلام رقيه ودخلت هاجر تشوف مامتها ولقيتها بتتكلم فى الموبايل , استنت لما خلصت

ماجده : حمد الله على السلامه يا هاجر انتى اتأخرتي كده ليه

رقيه : معلش يا ماما الشغل والله كتير

ماجده : ربنا معاكي يا حبيبتي

رقيه : خدي بالك من هاجر شويه يا ماما

ماجده : حاضر بس ليه يا حبيبتي دي مش بتسيب المذاكره ومطحونه فى الدروس والمذاكره ربنا يكون فى عونها

سرحت رقيه فى كلام هاجر _ نازله اهوه نازله انت مستعجل على ايه _ وبعدين كملت فى نفس التوهه

رقيه : مذاكره , مطحونه , ربنا يكون فى عونها ….. ماشي يا ماما ماشي , انا جايبه اكل معايا دليفري علشان ورايا كذا حاجه فى الشغل عاوزه اعملها وعامله حسابك انتي وهاجر

هاجر ماشيه فى الشارع وهي في كامل اناقتها وشياكتها ومهتمه بكل حاجه فى نفسها وفي تناسق الالوان والشعر والميك اب ورن الموبايل

هاجر : ايه يا بنتي عاوزه ايه تاني ما قولتلك هحكيلك بعدين

عبير:احكيلي بس ازاي خليتى عمر يقابلك , ده مرضيش يقبل الاد بتاعتك ازاي رضى بقى

هاجر : هقولك يا زنانه انا قولتله اني عاوزاه ضروري بخصوص زفت كريم

عبير : يا بنت اللذينه

هاجر : طب اقفلي بقى دلوقت باي

عمر فى العربيه ومشغل عمرو دياب وبيدندن معاه وفهمت عنيك ما انا خدت عليك حبنا بيزيد جوانا , من نظره انا ممكن اقولهالك ما انا بعرف مالكــــ مهما تداري وليه مين انا غير حبيبي ومش
ومسك موبايله وبيتصل بيرن

عمر : ما تيجي معايا يا ابن الحلال انت

رامي : يا عم فكني بقى البت راسمه عليك اصلا

عمر : دي بنت ولا بلاش

رامى : محترم اوي انت يا واد من امتى

عمر : ولا تزعل دي بن

وقاطعه رامي

رامي: خلاص يا عم خلاص مش محترم بتبسطك دي

عمر : اه اووووووووووووي , اقفل بقى انا داخل على اشاره سلام

رامي : سلام يا مؤدب

 

دخل عمر فى المكان اللى اتفقوا عليه وعمر نفسه مش عارف هو جاي ليه , هو متاكد كشاب انها مش عاوزاه علشان كريم ولو عاوزاه علشان كريم ما يولع هو مش في دماغه , هو نفسه مش عارف هو جيه ليه مع انه مش طايقها بس هو عاوز يشوف اخر البنت دي ايه

وفجأه دخلت هاجر وكشاب انبهر بجمالها , هاجر بنت جميله جدا وشيك ولانها حاطه خطه فى دماغها فكانت جايه بكامل اناقتها

ابتسم عمر ليها بابتسامه اعجاب فهي كبنت عارفه شباب كتير عرفت انها عجبته وبالتالي ده اداها ثقه كبيره اكتر فى نفسها وهي ماشيه ورايحه لعمر

هاجر : هاي

عمر : ازيكــــ

هاجر : تمام كويسه وانت ؟

عمر : الحمد لله تمام , كنتي عاوزاني فى ايه بقى بخصوص كريم , هو مضايقك؟

هاجر : انت مستعجل على ايه طيب اطلبلي حاجــــه ؟

عمر : هههههههههههههههههههههه موافق بس على حسابكــــــ

هاجر : بخيل انت

عمر : جداااااااااااا

هاجر : على فكره يا عمر انا مش جايه علشان كريم

اتصنع عمر نظره استغراب , رغم انها مش محتاجه تقول ده لان كل حاجه مبينه ده

هاجر : متستغربش كده اه انا جايه علشانكـــــــ انت

عمر : علشاني انا !!!!!!!!

اتفاجأ عمر المره دي بهاجر ومن جرأتها الزياده عن اللزوم واتضايق فعلا لاول مره فى حياته من بنت وحس باحراج رغم من خبرته مع النوع اللي زي هاجر دي ’ خرجه من تفكيره ده كلام هاجر

هاجر : اه علشانكـــــ متستغربش كده انا معجبه بيكـــ اوي ونفسي

قاطعها عمر وعلى وشه جديه مش مصطنعه

عمر : لالا يا هاجر انتي كده بتخرفي انتى زميلة واحد صاحبي وحتى لو هو مش فارق معايا وحتى لو انا واطي , بس انتي اصلا مش النوع اللي يعجبني وله تحبي اتسلى بيكي ونتسلى شويه

عمر اتلغبط من الكلام اللي قاله واول مره يرفض كده من بنت حتى لو هو هيتسلى لان الطرفين عارفين كده كويس , بس هو حس ان هاجر مراهقه صغيره ’ وبنت شايفه نفسها وعندها 18 سنه واقل من انه يديها اهتمام مهما كانت جميله

هاجر : انا مش عجباكــــــ انا

عمر : بعد اذنكـــــ

مشي عمر من المكان بسرعه وهاجر فى ذهول فظيع وحست ان المكان كله بيتفرج عليها , رغم ان مفيش حد سمع كلامهم

فى بيت محمود الساعه 9
محمود قاعد بيتفرج على التليفزيون هو ووالده على برنامج رياضي كالعاده وسعاد دخلت بالشاي ليهم

محمود : تسلم ايدك يا ست الكل

سعاد : تسلم يا حبيب قلبي عقبال ما تريح قلبي

محمود : يا ماما يا قلبي يا ست الناس كلها , انتي عارفه اني بحب هاجر جدا هي كويسه والله بس هى لسه صغيره

سعاد : يا ابني الناس دول مش من مستوانا دول باصيين لفوق اوي وخصوصا البنت دي عارف لو رقيه من سنك كنت جريت خطبتهالك

محمود : بس انا بحب هاجر , يا امي انا يعتبر مربيها على ايدي شوفتها وهي بتكبر قدامي لما كانوا في المنطقه هنا ’ قبل ما يعزلوا

سعاد : انا غلبت معاك يا محمود , قول كلمه يا شاكر لابنك ده

شاكر : سيبي الواد على راحته يا سعاد , دي حياته وهو حر فيها

سعاد : يا غلبي يا انا منكوا انتوا الاتنين , بتحبها على ايه البت دي ؟

محمود : هو الحب ليه سبب يا امي ؟

سكتت سعاد ورضيت بالامر الواقع وسابت الايام هي اللى تبين

دخلت هاجر البيت وهى مكشره ومامتها قاعده بتتفرج على التليفزيون ولاحظت ده على وشها

ماجده : مالك يا هاجر

هاجر : مفيش انا داخله انام علشانه تعبانه

ماجده : مش هتاكلي ده اختك

وقاطعتها هاجر

هاجر : انا هنااااااام تصبحي على خير

ماجده : وانتي من اهله على راحتك يا حبيبتي

ماجده قعدت صعبانه عليها ههاجر على علمها ان هاجر مشغوله بمذاكرتها دالمفترض تفكير اي واحده فى سنها ولكنها بعيده كل البعد عن التفكير ده ’ بس ماجده كانت حنينه عليها مش بغرض الدلع الزايد ولكن علشان هى يتيمه وباباها اتوفى من وهى صغيره فبتحاول تعوضها عن ده

هاجر فى اوضتها وقاعده ومش مستوعبه ورن جرس موبايلهــــــــــا

هاجر : ها عاوزه ايه ؟

عبير : مالك يا بت انا بتصل اطمن عليكي

هاجر : اقفلي دلوقت انا مش طايقه نفسي

عبير : هههههههههههههههههههههه اترقعلك يا بوبتي , اخيرررررررررررا ولاول مره

هاجر : انا مااعجبهوش انا والله لهوريه , ان مكنتش اردله القلم ده

عبير : هتعملي ايه يعنــــــــــــي ؟

هاجر : هتشوفي الايام بينا……

انتظروا الجزء السادس

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى