قصص طويلة

قصة (مازلت في الثلاثين) الجزء الثاني

فى سياره دنيا تجلس على احد مقعديها رقيه التائهه مع الطريق

دنيـا : الحقي يا رقيه مش دى هاجر وصاحبتها مين اللى معاهم دول ؟

رقيه: هــــــــاجر .!!! مين دول

دنيا: اقف ؟

رقيه : لا لا انا مش عاوزاها تاخد بالها انى شوفتها وهشوفها هتقول ايـــــــــــه

دنيا: بس هي شافتكـــــ

رقيه : مش مهم يا دنيا مش مهم امشـــــــى ارجوكي

دنيا : مالكــــــ بس اهدي احنا عديناهم بكتير خلاص

رقيه : انا مش عارفه اعمل معاها ايه , خلاص تعبت فعلا تعبت دايما بتحسسني انى عاجزه مش قادره اخد معاها موقف جـــــامد

دنيا : ليه يعني

رقيه: انتي عـــــــارفه يا دنيا , انى لحد دلوقت برضو خايفه اتجوز جواز صالونات رغم اني مبقاش فى ايدي غيره

دنيا : يا حبيبتى متقوليش كده بتنجح صدقيني الجوازات دي

رقيه : اه بتنجح بس اذا كان اللى مني بتعيرني ان سني اتأخر شويه اومال بقى لو حد تاني

دنيا : متخديش فى بالكـــــــ يا رقيه انتي اعقل من كده

رقيه : انتي عارفه ان دماغي اكبر من كده انا نفسى اعرف ايه المجتمع اللي يحكم على واحده بأنها اتاخرت فى الجواز بانها شخصيتها وحشه , مهما اتقدمنا واتطورنا برضو هنفضل كده

دنيا :مش هكدب عليكــــــــي ليكي حق بس هنعمل ايه بقى

رقيه : غير ده كله انا عارفه اني مش جميله بس تعرفي عمر ده ما لفت نظري

دنيا: هههههههههههههه لا بقى فى دى انتى غلطانه ده انتى سكر ولو عاوزه تبقي زي بنات اليومين دول هتكونى سيبكـــــ من الكلام ده

رقيه : هههههههههههه ماشي يا ست السكر انتي

__________________________________________________________________

عبير : هتعملي ايه ؟

هاجر: ولا اى حاجه يا شيخه كبري دماغكـــــــ ولو حتى شافتني انا مش خايفه منها

عبير : يا سلام !!!

هاجر : اه طبعاً مش احسن ما افضل قاعده زيها ومتجوزش

عبير : ههههههههههههههههههههه بتعجبني ثقتك دى بس قوليلي هى هتفضل مخلله كده كتير ؟؟

هاجر : هههههههههههههههههههههه كل اللي يشوفها يطفش الصول رقيه دي

كريم : ايه يا بيبي مش هنمشي من هنا بقى

هاجر: يلا با بيبي

________________________________________________________________

عمر فى طريقه لمنزله فى الثامنه صباحــــــــا وكاسيت السياره على صوت عمرو دياب وسط غنا عمر بصوت عالى

عمر: ده حبيبى , حبيبى اغلى من عمرى والله اغلى من عمرى وحياتى كلها ليه
حبيبى حبيبى قولتها بقلبى دوا روحي حته من قلبي ولا يحلى عمرى غير بيكـــــــ

رامى : اهدى يا حاج مكنتش سهره هتخبطنا الله يخربيتك

عمر : هههههههههههههههههههههههه لا يا واد ليك حد يسأل عليكـــــ

رامى : بصراحه لا بس انا بسأل عليا يا عم انا خايف على روحى انت مال امكـــــ انت

عمر : ههههههههههههههه لالالا كله الا الست الوالده اللى موجوده عندي فى البطاقه وبس

رامى : انت اخر مره شوفتها امتى يا اض انت

عمر : تقريبا كده من شهر عاوز حاجه يا حبيبي , العربيه عاوز تغيرها يا عم افتكرلنا حاجه حلوه على الصبح

رامى : عندك حق , وهى عامله ايه دلوقت ومن هون عليها الوقت

عمر : اكيد ساكته ولا بتحكي ولا بتشكي ولا بتبكــــــي عارفها تبقى مجروحه ومظلومه ولا تبين ولو نزلت دموع منها بيبقى الجرح مش هين

رامى : ايــــــــــــوه يا ميرو اووووووووووووه , حاسب حاسب

ينزل عمر من السياره بيشوف دنيا التى بصت عليهم باحتقار شديد لانها لقت اثنان من الشباب فى حاله لا مبالاه

دنيا : ايه اللى انت عملته ده انت ايه ما بتشوفش

عمر: بس بس براحه اللى انتى عاوزاه هديهولك بلاش زعيق على الصبح متوجعيش دماغي

دنيا : وكمان قليل الادب

عمر : مين ده اللى قليل الادب

رقيه : خلاص يا دنيا حصل خير , تعالي بس

رامى : اهدى يا عمر مش كده

عمر : ايون اسمعى كلام ابله الدكتوره ام نضاره دي واركبي عربيتك والفلوس اللى انتي عاوزاها تقولي عليها

دنيا : مش عاوزه منك حاجه اتفضل امشي

رامى : تعالى يا عمر

كل واحد فيهم كان فى حاله ومشغول بالمشكله ماعدا رقيه فكلمة عمر اللى قالها اثرت فيها وخصوصا لانه شاب واكيد كل الشباب شايفها كده مسحت دموعها اللى نزلت بسرعه وركبت العربيه مع دنيا.

دنيا : بني ادم متخلف وهمجي و …… هيه رقيه انتي روحت فين ؟

رقيه : لالا معاكي معاكي

دنيا :بكلمكـــ على الشاب الزفت ده

رقيه : يا ستي سيبكــــــ منهم

دنيا : فى حاجه يا روكا ؟!!!!!!

رقيه : لا خالص ممكن ترجعيني على البيت

دنيا : بيت ايه بس مالك يا بنتي

رقيه : مفيش حاجه تعبانه بس شويه

دنيا : ماشي هروحكــــــ

________________________________________________________

دخلت رقيه البيت والدموع على خدها وفجأه شافت الابتسامه الغير طبيعيه على وجه مامتها
فمسحت دموعها بسرعه

ماجده : تعالي يا روح قلبي كويس انك جيتى بسرعه

رقيه : انا ما روحتش اصلا يا ماما

ماجده : ليه كده يا حبيبتي ؟؟

رقيه : ابدا صدعت شويه و مفيش ورايا حاجات كتير

ماجده : واضح كده ان قلبك دليلكــــــــ

رقيه بتبص لمامتها باستغراب

رقيه : ازاي يعنى ؟

ماجده : طنطك سوسن كلمتني الصبح وجيبالك عريس بتشكر فيه اوي وبتقول محترم وكويس ودكتور

رقيه : تانى يا ماما انا زهقت

ماجده : معلش يا حبيبتي علشان خاطري انا عاوزه افرح بيكي قبل ما اموت خشي بس ارتاحي شويه لغاية بالليل

رقيه : حاضر يا ماما حاضر

دخلت رقيه اوضتها وهي فى حيره كبيره , لانها مش عاوزه تزعل مامتها وفي نفس الوقت هي مش عاوزه تتجوز سماعه هي مش هتعيش مع سماعه الدكتور هي هتعيش مع شخص نفسه مش بالطو وسماعه وفى اخر تفكيرها استقرت انها هتقابله يمكن يبقى انسان كويس وخصوصا انها مش عاوزه تزعل والدتها…..

انتظروا الجزء الثالث …..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى