قصص مضحكة
قصة مضحكة بعنوان (امتحان شفوي)
يوم الامتحان يكرم المرء او يهان قصة مضحكة بعنوان (امتحان شفوي ) ابطالها دكتور جامعي وطالب كلية هندسة اليكم القصة .
مره طالب هندسة دخل امتحان شفوي فالدكتور بيسأله :
بتركب ايه وانت جاى الكليه الصبح ؟
الطالب : بركب الاتوبيس .
الدكتور قال له : حلو اوى .. لو الدنيا حر فى الاتوبيس هتعمل ايه ؟
الطالب : هفتح الشباك .
الدكتور : جميل .. احسب لى بقا كمية الهواء اللى داخل الاتوبيس وهو ماشى على سرعة 60km/h طبعاً الواد معرفش والدكتور سقطه فى الماده ..
فهو خارج قابل واحد صاحبه كان عليه الدور في الدخول فقال له على السؤال ودخل للدكتور بعده .
الدكتور للطالب التانى : بتيجى الكليه بأيه الصبح ؟
الطالب : بعربيتى .
الدكتور : طب لو عطلانه ؟
الطالب : بكلم صاحبى ييجى ياخدنى بعربيته .
الدكتور : طب لو مش موجود ؟
الطالب : بخلى بابا يوصلنى .
الدكتور : طب لو وراه شغل ؟
الطالب : بركب تاكسى وخلاص .
الدكتور : طب لو ملقيتش تاكسيات ؟
الطالب : بركب الاتوبيس وامري لله .. هو يسترها بقى من عنده
الدكتور : حلو اووووي .. لو الدنيا حر فى الاتوبيس هتعمل ايه ؟
الطالب : هقلع الجاكيت .
الدكتور : طب لو حر اووووي ؟
الطالب : هفتح زراير القميص .
الدكتور : طب لو حر جداً جداً .
الطالب : هقلع القميص .
الدكتور استغرب وقال له : طب لو نار جهنم حواليك هتعمل ايه ؟؟
الطالب : هقلع البنطلون .
الدكتور : قاله طب لو مش قادر تستحمل وخلاص هيغم عليك وقدامك شباك ؟
الطالب : بص بقى انا ممكن اقلع ملط بس مش هفتح شباك الاتوبيس😂😂😂
